Доделувањето македонско државјанство на украинскиот олигарх Олександар Онишченко
Советот на амбасадори е изненаден и загрижен што некои неприфатливи дејствија на манифестација на непотизам, партиско влијание, корупција и невнимание, како што објавија деновиве медиумите преку пренесување на реакциите на дипломатските претставништва акредитирани во земјава, доаѓаат од значајни институции и државни органите на управата, особено од М-НАВ, Советот на обвинители и особено од КАС-Агенција за национална безбедност. Советот е особено загрижен од последните информации за големите отстапки што некои владини институции ги направија во врска со доделувањето македонско државјанство на украинскиот олигарх Олександар Онишченко, државјанин на Украина кој е на црната листа на нашиот стратешки партнер.САД и за кои е распишана меѓународна потерница од Украина (оваа земја која ја има нашата поддршка во вооружување и друга помош, на патот кон нејзиното ослободување за криминал, финансиски злоупотреби и други незаконски дејствија.
Ваквото невнимание и површно испитување на барањето за државјанство на Онишченко е спротивно на критериумите и стандардите на НАТО и ЕУ. Нашата загриженост се заснова на фактот дека станува збор за сомнителни и неприфатливи постапки на државните институции кои го намалуваат авторитетот на државата во меѓународниот план и ја поткопуваат довербата во нашите стратешки партнери САД и ЕУ кои со децении инвестираат во зајакнувањето на државните институции во борбата против корупцијата, организираниот криминал, непотизмот и партизацијата. Што се однесува до украинскиот олигарх Онишченко, Советот на амбасадори ги поддржува ставовите на претседателот Пендаровски и премиерот Ковачевски дека државните институции преземаат мерки за расветлување на овие неприфатливи дејствија и дека сторителите на овие неприфатливи дела се соочуваат не само со морална, туку и правна одговорност (доколку има такво нешто) затоа што го намалуваат авторитетот на државата и ги оштетуваат евроинтегративните процеси.
Скопје, 21.11.2022
Извршен Одборв на СА