Членови на Извршен Одбор во Тирана

Вчера делегација на Совет на Амбасадори во состав Мухамед Халили, претседател, Нано Ружин и Азис Положани, членови на Извршен Одбор во Тирана беше примена од претседателот на Советот на албанските амбасадори Бесник Мустафај и роководниот борд на Советот. 

На средбата беше дискутирана и усвоена рамката на идната соработка меѓу двата совета како и воспоставување на соработката со други слични невладини организации во Европа и пошироко.

Како почеток на соработката ќе бидат заедничките активности околу реализацијата на посетата на регионот на делегација на Совет на Американските амбасадори која ќе се реализира во април идната година.

На средбата беше потпишан Меморандм за соработка меѓу двата Совета за заеднички активности и проекти од регионални прашања, ЕУ интеграции, сигурност, безбедност, демократизација и човекови прашања.

Заедничките активности ќе ги рефлектираат принципите на добрите меѓусоседски односи, европските вредности на слобода, демократија, владеење на правото,човековите права и еднаквите можности.

Двата Совета ќе органинираат заеднички проекти и конференции договорени во духот на добрата волја изразена во Меморандумот.

Скопје, 16.9.2022 год. Извршен Одбор на СА